ಡಾ. ಸಿ.ಎನ್.ಆರ್. ರಾವ್ ಅವರು ಬೆಂಗಳೂರಿನಲ್ಲಿ ಜನಿಸಿ, ಭಾರತೀಯ ವಿಜ್ಞಾನ ಮಂದಿರ (IISc) ಮತ್ತು ಜವಾಹರಲಾಲ್ ನೆಹರು ಉನ್ನತ ವೈಜ್ಞಾನಿಕ ಸಂಶೋಧನಾ ಕೇಂದ್ರದ (JNCASR) ಮೂಲಕ ಭಾರತದ ವೈಜ್ಞಾನಿಕ ಸಂಶೋಧನೆಯನ್ನು ಜಾಗತಿಕ ಉನ್ನತಿಗೆ ಕೊಂಡೊಯ್ದ ಮೇರು ವಿಜ್ಞಾನಿ.
ಸಂಕ್ಷಿಪ್ತ ಪರಿಚಯ
| ಪೂರ್ಣ ಹೆಸರು | ಚಿಂತಾಮಣಿ ನಾಗೇಶ ರಾಮಚಂದ್ರ ರಾವ್ |
| ಜನನ | ೩೦ ಜೂನ್ ೧೯೩೪ (ಬೆಂಗಳೂರು) |
| ತಂದೆ-ತಾಯಿ | ಹನುಮಂತ ನಾಗೇಶ ರಾವ್ ಮತ್ತು ನಾಗಮ್ಮ |
| ಪತ್ನಿ | ಇಂದುಮತಿ ರಾವ್ |
| ಶಿಕ್ಷಣ | ಮೈಸೂರು ವಿವಿ, ಬನಾರಸ್ ಹಿಂದೂ ವಿವಿ, ಪರ್ಡ್ಯೂ ವಿವಿ ಅಮೆರಿಕ (ಪಿಎಚ್.ಡಿ.) |
| ಸಂಶೋಧನಾ ಕ್ಷೇತ್ರ | ಘನಸ್ಥಿತಿ ರಸಾಯನಶಾಸ್ತ್ರ, ನ್ಯಾನೊತಂತ್ರಜ್ಞಾನ, ಸುಪರ್ ಕಂಡಕ್ಟಿವಿಟಿ |
| ಅತ್ಯುನ್ನತ ನಾಗರಿಕ ಪ್ರಶಸ್ತಿ | ಭಾರತ ರತ್ನ (೨೦೧೪) |
ವಿಜ್ಞಾನ ಕ್ಷೇತ್ರಕ್ಕೆ ಕೊಡುಗೆ
ಸಿ.ಎನ್.ಆರ್. ರಾವ್ ಅವರು ಪ್ರಧಾನ ಮಂತ್ರಿಗಳ ವೈಜ್ಞಾನಿಕ ಸಲಹಾ ಮಂಡಳಿಯ ಅಧ್ಯಕ್ಷರಾಗಿ ಭಾರತದಲ್ಲಿ ವಿಜ್ಞಾನ ಶಿಕ್ಷಣ ಮತ್ತು ಸಂಶೋಧನೆಗೆ ಬೃಹತ್ ಅನುದಾನ ಮತ್ತು ಸಂಸ್ಥೆಗಳನ್ನು ಸ್ಥಾಪಿಸಲು ಕಾರಣಕರ್ತರಾದರು. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ ಎಜುಕೇಶನ್ ಅಂಡ್ ರಿಸರ್ಚ್ (IISER) ಸಂಸ್ಥೆಗಳ ಸ್ಥಾಪನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಪ್ರಶಸ್ತಿ ಪುರಸ್ಕಾರಗಳು
- ಭಾರತ ರತ್ನ (೨೦೧೪)
- ಪದ್ಮಶ್ರೀ (೧೯೭೪), ಪದ್ಮವಿಭೂಷಣ (೧೯೮೫)
- ಡಾನ್ ಡೇವಿಡ್ ಪ್ರಶಸ್ತಿ, ರಾಯಲ್ ಸೊಸೈಟಿಯ ಹ್ಯೂಸ್ ಪದಕ
- ೮೦ಕ್ಕೂ ಹೆಚ್ಚು ವಿಶ್ವವಿದ್ಯಾಲಯಗಳಿಂದ ಗೌರವ ಡಾಕ್ಟರೇಟ್
